Good day my pipu, dis na the ogbonge segment wey I call’ Konfam Advise’.
Na page wey we go dey talk the thing wey we
suppose do as things dey happen.
This thing wey we wan talk dey always pepper
man…some men no gree sleep bcos wetin our Naija Babes don turn themselves to for this
recession ehn e fit make person get HBP
So my advise for dis segment be
THE KAIN BABES WEY BACHELORS MUST AVOID FOR
THIS RECESSION PERIOD:
1- SHAWARMA/ PIZZA BABES:
I no know wetin concern
agbero with overload…the rate which our Nigerian girls dey order shawama dey do me gbish gbish…make I give una one gist…I been carry one babe comot
just last week..na in the girl say she wan go one eatery I say no wahala….as proper
Lagos boy with 5k for pocket, I talk say no yawa…when we come finally reach, I
no know say 2 of her friends dey wait us already courtesy of BB…come see as I
dey sweat…but thank God say I no carry last…
2- I DON’T HAVE DATA BABES:
Abeg I wan take this moment
tell all these our telephone company dem say make dem dey calm down for all
these promo wey dem dey do.
If you dey follow babe
chat and she complain say her data don almost finish, abeg delete am
shapely…she dey find DATA Mugu…
Now make I explain am….If
you take your korokoro eye go all dem Instagram page , na so so video dem go
dey upload….eg THE TIME WEY DEM DEY PESIN INTRO wey dem no invite am, the one wey dem dey TWERK, or the one wey dem
dey CLUB, some don dey put flower for dem head…no wonder if we look naija road,
no single flower..na soso dust full road…
SO my broad if you know
say you wan marry am, you fit dey send to am…but if you no wan marry am,
hmmmmm….naija babes dangerous oooo…
Beta tins dey wey we fit
use money do…MONTHLY DATA NA BAG OF CEMENT…abeg we must plan our future weda
dem like am or not….
3 BABES WEY NO GET WORK:
My broda, hmmmmm….this one
na the best advise…any girl wey dey chat you for Monday morning abeg no reply
am…even if you reply, ask am where she dey?...if she talk say ‘Home dear’,
quickly delete am…or if you wan still follow am chat, ask am when she been
graduate…if she talk say 2 years ago, ask am wetin she dey do…if she say ‘
NOTHING’, my broad…she no be wife material…block am…lol…now make we comot for
Joke matter… for this recession, babes got to go look for work oooo…no
dulling…and as bachelor we must shine our eyes make we no come dey talk as
oyinbo dey call am ‘stories that touch’…na time to save money…any babe wey talk
say make you dey buy buy…biko broda
carry your K-leg run ooo…
4 BABES WEY DEY CHANGE HAIR
EVERY WEEK
5 BABES
WEY TOO DEY FRUSTRATE PERSON LIFE WITH YAB (BABES WEY TOO STUBBORN)
We still get beta babes wey dey alright oooo but
you must to shine your eyes oooo…
God bless all the
bachelors wey wan make this our country beta…
And una bachelors wey dey
carry different colours of babes for this recession, OYO na your case.
Na everyday you go dey see
beta advise for this Konfam page.
You fit follow me on IG
@akinseyesimi
Or FB Akinseye simi
No comments:
Post a Comment